సికింద్రాబాద్ బొల్లారంలో 5 ఏళ్ల బాలిక కిడ్నాప్: 200 మంది పోలీసుల గాలింపు

సికింద్రాబాద్ బొల్లారంలో 5 ఏళ్ల బాలికను చాక్లెట్ ఇప్పిస్తానని చెప్పి తీసుకెళ్లినట్లు పోలీసులు అనుమానిస్తున్నారు. అక్కడ పనిచేసే వాచ్మన్ ఆమెను తీసుకెళ్లినట్లు పోలీసులు భావిస్తున్నారు.

బాలిక కనిపించకపోవడంతో తల్లిదండ్రులు వెంటనే పోలీసులకు ఫిర్యాదు చేశారు. వాచ్మన్ మొబైల్ ఫోన్ సిగ్నల్ సికింద్రాబాద్ రైల్వే స్టేషన్ చుట్టుపక్కల ఉన్నట్లు గుర్తించారు. దీంతో పోలీసులు డ్రోన్ కెమెరాలతో గాలింపు ప్రారంభించారు.

ఈ గాలింపులో దాదాపు 200 మంది పోలీసులు పాల్గొంటున్నారు. సికింద్రాబాద్ నుంచి హైదరాబాద్ వెళ్లే అన్ని బస్సుల్లో, రైల్వే స్టేషన్లలో తనిఖీలు ముమ్మరం చేశారు. వాచ్మన్ గురుద్వారా సమీపంలో ఉన్నట్లు సమాచారం రావడంతో ఆ ప్రాంతాన్ని చుట్టుముట్టారు.

రైల్వే పోలీసులు (RPF), రైల్వే సిబ్బంది కూడా గాలింపులో పాల్గొంటున్నారు. బాలిక ఆచూకీ కోసం పోలీసుల గాలింపు కొనసాగుతోంది.