94వ వైమానిక దళ దినోత్సవం: దేశవ్యాప్తంగా వేడుకలు

భారత వైమానిక దళం 94వ వార్షికోత్సవం సందర్భంగా ఈరోజు దేశవ్యాప్తంగా వైమానిక దళ దినోత్సవ వేడుకలు జరుగుతున్నాయి. 1932 అక్టోబర్ 8న ఇండియన్ ఎయిర్ ఫోర్స్ ఏర్పాటైంది.

దేశభద్రతలో వైమానిక దళం అందిస్తున్న సేవలు, వీరుల త్యాగాలను స్మరించుకుంటూ ఈ వేడుకలు నిర్వహిస్తున్నారు. ఉత్తరప్రదేశ్ లోని ఘాజియాబాద్ వద్ద వైమానిక ప్రదర్శన నిర్వహించారు. రాజస్థాన్ లోని జోధ్‌పూర్ ఎయిర్‌ఫోర్స్ స్టేషన్‌లో సూర్యకిరణ్ విమానాలు ఏరోబాటిక్స్ నిర్వహించనున్నాయి.

వారణాసిలోని నమో ఘాట్ వద్ద ఈ నెల 22 నుంచి 25 వరకు మూడు రోజుల పాటు వైమానిక ప్రదర్శనలు జరగనున్నాయి. ప్రధాని నరేంద్ర మోడీ వైమానిక దళానికి అభినందనలు తెలిపారు. వైమానిక వీరుల సాహసానికి దేశం గర్వపడుతుందని సోషల్ మీడియాలో పోస్ట్ చేశారు. రాష్ట్రపతి ద్రౌపది ముర్ము కూడా అభినందనలు తెలిపారు.