ఆధార్, పాస్పోర్ట్ పౌరసత్వానికి తుది ఆధారాలు కావు: కేంద్ర వివరణతో దేశవ్యాప్త చర్చ

ఆధార్ కార్డు, పాస్పోర్ట్ భారత పౌరసత్వానికి తుది ఆధారాలు కావని కేంద్ర ప్రభుత్వం స్పష్టం చేసింది. ఈ ప్రకటనతో దేశవ్యాప్తంగా చర్చ మొదలైంది.

పాస్పోర్ట్ అనేది కేవలం ట్రావెల్ డాక్యుమెంట్ మాత్రమేనని, దాన్ని పౌరసత్వ నిరూపణగా పరిగణించలేమని కేంద్రం పేర్కొంది. అదే విధంగా ఆధార్ కార్డు గుర్తింపు, నివాస పత్రమే తప్ప పౌరసత్వ హామీ కాదని వెల్లడించింది.

ఓటర్ ID కార్డు కూడా ఎన్నికల్లో ఓటు వేయడానికి మాత్రమే ఉపయోగపడుతుందని, అది ఎల్లప్పుడూ పౌరసత్వ నిర్ధారణకు సరిపోదని నిపుణులు చెబుతున్నారు. భారతదేశంలో చాలా దేశాల్లో లాగా ప్రత్యేక సిటిజన్షిప్ కార్డు వ్యవస్థ లేదు.

దీంతో ఆధార్, పాస్పోర్ట్ ఉన్నా కొన్ని సందర్భాల్లో పౌరసత్వం నిరూపించడానికి జనన రికార్డులు, కుటుంబ వివరాలు, ప్రభుత్వ ధృవీకరణలు అవసరం కావచ్చు. కేంద్ర వివరణ నేపథ్యంలో సోషల్ మీడియాలో భారతదేశంలో ప్రత్యేక పౌరసత్వ కార్డు ఇవ్వాలా అనే చర్చ జరుగుతోంది.