నటుడు పుట్ట భాను హుషార్ పిట్టల చిత్ర బృందానికి 100 కొబ్బరికాయలు సమర్పణ

నటుడు పుట్ట భాను ‘హుషార్ పిట్టల’ చిత్రంలో తొలిసారిగా నటించారు. ఈ చిత్రం ప్రెస్ మీట్‌లో ఆయన భావోద్వేగంగా మాట్లాడారు.

ఆయన మాట్లాడుతూ, తాను సినీ రంగంలోకి రావడానికి ఎన్నో ఇబ్బందులు పడ్డానని, కొందరు నెగిటివ్‌గా మాట్లాడినా పాజిటివ్‌గా ఉండి నిరూపించుకున్నానని చెప్పారు. ప్రివ్యూ చూసినప్పుడు స్క్రీన్ మీద తన క్యారెక్టర్ చూసి నమ్మలేకపోయానని, ఆ క్షణం నుంచీ కలా నిజా అర్థం కాలేదన్నారు. ఈ అవకాశం ఇచ్చిన దర్శకుడు బిక్ష, నిర్మాత వెంకట్ యాదవ్‌కు కృతజ్ఞతలు తెలిపారు. తనకు ఈ చిత్రం ద్వారా కొత్త జీవితం లభించిందన్నారు.

ఆయన సినిమా రిలీజ్ అయ్యాక 100 కొబ్బరికాయలు కొడతానని, దేవుడికే కాకుండా నిర్మాత, దర్శకుడికి కూడా కొబ్బరికాయలు కొడతానని ప్రకటించారు. ప్రతి మంగళవారం చెప్పులు వేసుకోనని బోనీల ఎల్లమ్మ తల్లికి మొక్కుకున్నట్లు చెప్పారు.

చివరగా చిత్రం ఆగస్టు 15న విడుదల కానుందని, తెలుగు కుటుంబ సినిమా కాబట్టి ప్రేక్షకులు సపోర్ట్ చేయాలని కోరారు. ప్రతి ఆర్టిస్ట్ కలను నిర్మాత సాకారం చేశారన్నారు.