"అమ్మ చేసిన త్యాగాల వల్లే మేం ఇలా ఉన్నాం" : నటి దివిజ ప్రభాకర్

నటి దివిజ ప్రభాకర్ తన తల్లి మలయాజ చేసిన త్యాగాల గురించి మాట్లాడారు. ఒక ఇంటర్వ్యూలో ఆమె మాట్లాడుతూ, తమ కుటుంబం ఇప్పుడు ఉన్న విధానానికి తల్లి త్యాగాలే కారణమని అన్నారు.

"మా అమ్మ ఆంకర్ లాంటిది. కొన్ని విషయాల్లో ఆమె స్టాండ్ తీసుకోకపోతే, మేము నలుగురం ఇలా ఒకటిగా ఉండేవాళ్ళం కాదు" అని దివిజ చెప్పారు. మలయాజ ప్రస్తుతం నటిగా కెరీర్ కొనసాగిస్తున్నా, పిల్లల కోసం తన పనులు వాయిదా వేస్తారని తెలిపారు.

"ఆవిడ బయట ఎక్కడ ఉన్నా రోజూ ఉదయం, మధ్యాహ్నం, సాయంత్రం ఫోన్ చేసి తిన్నారా లేదా అని అడుగుతుంది. నేను ఔట్‌డోర్ షూటింగ్‌కు వెళ్లాలంటే ఆమె తన సినిమాలు, వెబ్ సీరీస్‌లు కూడా వదిలేసి నాతో వస్తుంది" అని దివిజ చెప్పారు. తల్లి సెల్ఫ్‌లెస్ అని, అలాంటి తల్లి దొరకడం అదృష్టంగా భావిస్తున్నానని అన్నారు.

మలయాజ గతంలో గ్రూప్స్ పరీక్షలు రాసి ఉద్యోగం చేయాలనుకున్నారు. కానీ పిల్లలు పుట్టడంతో ఆ ఆలోచన విరమించుకున్నారు. తర్వాత "ఇష్మార్ట్ జోడీ" అనే షో చేసిన తర్వాత నటనపై ఆసక్తి పెరిగి, ప్రస్తుతం నటిగా మారారు.