అదాని గ్రూప్ క్లారిటీ: ఎయిర్లైన్ వ్యాపారంలోకి ప్రవేశించే ఆలోచన లేదు

అదాని ఎంటర్ప్రైజెస్ ఎయిర్లైన్ వ్యాపారంలోకి ప్రవేశించనుందని వస్తున్న ఊహాగానాలను కంపెనీ తోసిపుచ్చింది. ఈ రోజు ఒక ప్రకటనలో, తమకు సొంత ఎయిర్లైన్ నిర్వహించే ఆలోచన లేదని ఆదాని గ్రూప్ స్పష్టం చేసింది.

ఇటీవల ఆదాని గ్రూప్ సుమారు 200 విమానాలకు ఆర్డర్ ఇచ్చిందని మీడియాలో వార్తలు వచ్చాయి. ఆదాని ఇప్పటికే దేశవ్యాప్తంగా ఏడు విమానాశ్రయాలను నిర్వహిస్తోంది. అయితే విమానాశ్రయాలను నిర్వహించే సంస్థలు సొంత ఎయిర్లైన్ నడపడానికి ప్రస్తుత నిబంధనలు అనుమతించవు. ఈ నిబంధనలను సడలించే అవకాశం ఉందన్న ఊహాగానాలు కూడా వినిపించాయి.

ఈ నేపథ్యంలో ఆదాని సంస్థ ఈ వార్తలను కొట్టిపారేసింది. "ఎయిర్లైన్ బిజినెస్‌లోకి రావాలని ప్రణాళిక లేదు" అని స్పష్టం చేసింది. ఈ వివరణతో ఇండిగో వంటి ఇప్పటికే ఉన్న విమానయాన సంస్థల్లో నెలకొన్న ఆందోళనకు తాత్కాలిక విరామం లభించింది.