లోపాలు ఉన్నా ఆకట్టుకుంటున్న ‘లెనిన్’ - అఖిల్ నటనకు ప్రశంసలు

ఈ వారం విడుదలైన ‘లెనిన్’ చిత్రం మిశ్రమ స్పందన తెచ్చుకుంది. మహాభారతం స్ఫూర్తితో రూపొందిన స్క్రీన్ప్లే ప్రేక్షకులను ఆకట్టుకుంటోంది. ఇంటర్వెల్ వరకు కథ ఉత్కంఠగా సాగింది. సెకండాఫ్‌లో మాత్రం కథనం భిన్నంగా మారింది. దర్శకుడు ప్రతి పాత్రకు లోతు ఇచ్చాడు.

కొన్ని సన్నివేశాల్లో పాత పల్లెటూరి పగ సినిమాల ప్రభావం కనిపిస్తోంది. మహాభారత నేపథ్యం అందరికీ నచ్చకపోవచ్చు. హీరో జైలుకు వెళ్లడానికి కారణం స్పష్టంగా చూపించలేదని విమర్శలు వచ్చాయి. క్లైమాక్స్‌లో కీలక ట్విస్ట్ లాజిక్ మిస్‌అయినట్లు అనిపిస్తోంది.

ఈ లోపాలు ఉన్నప్పటికీ, డెరెక్టర్ మురళీ కిషోర్ అబ్బురు ప్రేక్షకులను ఎంగేజ్ చేయడంలో సఫలమయ్యారు. బోర్ కొట్టని కథనం, భావోద్వేగాలు నేరుగా హృదయానికి హత్తుకుంటాయి. లవ్ సీన్స్ కథకు అవసరమైనంతనే.

అఖిల్ అక్కినేని ఇప్పటివరకు చూసిన పాత్రలకు భిన్నంగా నటించారు. ముఖ్యంగా ఎమోషనల్ క్లైమాక్స్ సన్నివేశాల్లో ఆయన నటన ప్రశంసలు అందుకుంది. భాగ్యశ్రీ బోర్సే గ్లామర్ కు మాత్రమే పరిమితం కాకుండా కథలో భాగమయ్యారు. స్నేహితుడి పాత్రలో ప్రమోద్ పంజు, శివాజీ, బ్రహ్మాజీ, శత్రు తదితరులు తమ పాత్రలకు న్యాయం చేశారు.

తమన్ అందించిన నేపథ్య సంగీతం చిత్రానికి బలం చేకూర్చింది.