అభిమాని నాగరాజును కలిసిన నటుడు అఖిల్; 'అయ్యగారే నంబర్ వన్' నినాదాన్ని గుర్తించారు

గుంటూరులో జరిగిన 'లెనిన్' చిత్ర కార్యక్రమంలో నటుడు అఖిల్ అక్కినేని తన అభిమాని నాగరాజును కలిశారు. ‘అయ్యగారే నంబర్ వన్’ అనే నినాదంతో సోషల్ మీడియాలో ప్రాచుర్యం పొందిన నాగరాజు, తన అభిమాన నటుడిని నేరుగా చూసి భావోద్వేగానికి లోనయ్యాడు.

సోషల్ మీడియాలో 'అయ్యగారే నంబర్ వన్' ట్రెండ్‌కు కారణమైన నాగరాజు అఖిల్ సినిమాలు విడుదలైనప్పుడు థియేటర్ల వద్ద ప్రత్యేకంగా కనిపిస్తూ తన నినాదాన్ని వినిపించేవారు. ఈ క్రమంలో ఆయన మాటలు మీమ్స్ రూపంలో వైరల్ అయ్యాయి.

‘లెనిన్’ సినిమా ప్రమోషన్ కోసం గుంటూరులో నిర్వహించిన ఈవెంట్‌లో అఖిల్ పాల్గొన్నారు. ఈ సందర్భంగా నాగరాజును వేదికపైకి ఆహ్వానించారు. అఖిల్‌ను చూసిన నాగరాజు పరిగెత్తుకెళ్లి ఆయన కాళ్లపై పడ్డారు. వెంటనే అఖిల్ ఆయనను లేపి గుండెల్లోకి తీసుకున్నారు. ‘నీ వల్లే నాకు అయ్యగారు అనే పేరు వచ్చింది. థ్యాంక్యూ నాగరాజు’ అని చెప్పారు. ‘మనం ఇంకో గట్టి హిట్ కొడదాం, నువ్వు కంగారుపడకు’ అని కూడా ఆయన భరోసా ఇచ్చారు.

ఈ సంఘటనకు సంబంధించిన వీడియోను సోషల్ మీడియాలో షేర్ చేస్తున్నారు. అఖిల్ తన అభిమానిని గౌరవించిన తీరుపై నెటిజన్లు ప్రశంసలు వ్యక్తం చేస్తున్నారు. ‘లెనిన్’ చిత్ర విడుదలపై అభిమానుల్లో ఆసక్తి నెలకొంది.