అఖిల్ లెనిన్ కు నార్మల్ టికెట్ ధరలే ప్లస్ అవుతున్నాయి: టికెట్ రేట్లపై మళ్లీ చర్చ

అఖిల్ హీరోగా నటించిన లెనిన్ చిత్రానికి నార్మల్ టికెట్ ధరలు కలిసి వస్తున్నాయి. సింగిల్ స్క్రీన్లలో ₹100-150, మల్టీప్లెక్స్లలో ₹200-250 మధ్య టికెట్ ధరలు ఉండడంతో ఓపెనింగ్స్ బాగా వచ్చాయి.

ఈ చిత్రం కంటెంట్‌తో పాటు అందుబాటు ధరలే ప్రేక్షకులను థియేటర్ల వైపు ఆకర్షిస్తున్నాయి. టాక్ సో సో గా ఉన్నప్పటికీ నార్మల్ ధరలతో వచ్చిన సూర్య నటించిన వీరభద్రుడు, మోహన్‌లాల్ దృశ్యం 3 లాంటి చిత్రాలు కూడా మంచి వసూళ్లు రాబట్టాయి.

టికెట్ ధరలపై నటుడు రామ్ చరణ్ ఇటీవల స్పందిస్తూ, థియేటర్లలో ఆహార పదార్థాల ధరలు ఎక్కువగా ఉండటం వల్ల సామాన్య కుటుంబాలు సినిమాలకు దూరమవుతున్నాయని, వాటిని తగ్గించాలని సూచించారు. నిర్మాత నాగవంశి మాత్రం ప్రేక్షకులకు టికెట్ ధరలతో సమస్య లేదని అభిప్రాయపడ్డారు.

విమర్శలు ఉన్నప్పటికీ నార్మల్ ధరలతో విడుదలయ్యే చిత్రాలకు యావరేజ్ కంటెంట్ ఉన్నా ఆదరణ లభిస్తోంది. లెనిన్ విషయంలోనూ ఇదే కనిపిస్తోంది. నిర్మాతలు ఈ విషయంలో ఎలాంటి నిర్ణయం తీసుకుంటారనేది చూడాలి.