రాజు వెడ్స్ రాంబాయ్ నటుడు అఖిల్ రాజ్ డెలివరీ బాయ్‌పై దాడి ఆరోపణలు

'రాజు వెడ్స్ రాంబాయ్' సినిమాలో నటించిన అఖిల్ రాజ్ డెలివరీ బాయ్‌పై దాడి చేసినట్టు ఆరోపణలు వచ్చాయి. ఈ ఘటన వీడియో సోషల్ మీడియాలో వైరల్ అయింది.

డెలివరీ బాయ్ తెలిపిన దాని ప్రకారం, తాను తప్పు డ్రెస్ డెలివరీ చేసినందుకు క్షమాపణ చెప్పినా అఖిల్ రాజ్ తనపై చేయి చేసుకున్నాడు. మెట్లపై నుంచి కిందికి వచ్చినా దాడి కొనసాగిందని చెప్పాడు.

అఖిల్ రాజ్ మాత్రం వేరే వాదన వినిపించారు. డెలివరీ బాయ్ మద్యం సేవించి అసభ్యంగా ప్రవర్తించాడని, తల్లి ఎదుట జరిగిన ఈ సంఘటనలో కుటుంబాన్ని రక్షించుకునేందుకు తాను స్పందించానని వివరించారు.

ఇప్పటివరకు ఈ విషయంపై పోలీసులకు ఎలాంటి ఫిర్యాదు అందలేదు. సంబంధిత వీడియో సోషల్ మీడియాలో చర్చనీయాంశంగా మారింది.