అల్లు అర్జున్ ఫ్యాన్స్ సంఘం 7 రాష్ట్రాల్లో 400+ HPV అవగాహన కార్యక్రమాలు

అల్లు అర్జున్ అభిమానుల సంఘం కేంద్ర ప్రభుత్వం నిర్వహిస్తున్న Swasth Nari Vikasit Bharat కార్యక్రమంలో భాగంగా 400కు పైగా అవగాహన కార్యక్రమాలు నిర్వహించింది. ఈ కార్యక్రమాలు దేశంలోని ఏడు రాష్ట్రాల్లో జరిగాయి.

సుమారు లక్ష మంది యువతులకు HPV వ్యాక్సినేషన్, సర్వైకల్ క్యాన్సర్ నివారణపై అవగాహన కల్పించారు. యువతులు, బాలికల ఆరోగ్యకరమైన భవిష్యత్తు కోసం అభిమానులు స్వచ్ఛందంగా పాల్గొన్నారు.

సినిమా ప్రమోషన్లకు మాత్రమే పరిమితం కాకుండా సామాజిక కార్యక్రమాల్లోనూ పాల్గొంటున్న ఈ సంఘం కృషికి ప్రశంసలు వస్తున్నాయి.

ఇదిలా ఉండగా, అల్లు అర్జున్ ప్రస్తుతం దర్శకుడు అట్లీ దర్శకత్వంలో ఓ యాక్షన్ సినిమాలో నటిస్తున్నారు. ఈ చిత్రంలో దీపికా పదుకొనే, రష్మిక మందన, మృణాల్ ఠాకూర్ నటిస్తున్నారు.