అల్లు అర్జున్ 'రాకా': 5 పాటలు రెడీ; 2027 చివర్లో విడుదల

అల్లు అర్జున్ నటిస్తున్న పాన్‌ ఇండియా చిత్రం 'రాకా' కోసం సంగీత దర్శకుడు సాయి అభ్యంకర్ ఇప్పటికే ఐదు పాటలను సిద్ధం చేశారు. ఈ పాటల ఫైనల్ వెర్షన్లను చిత్ర యూనిట్‌కు అందించినట్లు విశ్వసనీయ సమాచారం.

ఈ చిత్రంలో ఒక ప్రత్యేక డ్యాన్స్ నెంబర్ ఉంది. అందులో అల్లు అర్జున్ కొత్త గెటప్‌లో కనిపిస్తారని, ఆ సన్నివేశం సినిమాకి ఒక ప్రధాన ఆకర్షణగా నిలుస్తుందని చిత్ర వర్గాలు తెలిపాయి.

'రాకా'లో విజువల్ ఎఫెక్ట్స్ (VFX) కి ఎక్కువ ప్రాధాన్యత ఉంది. అందుకే నిర్మాతలు ముందుగా VFX, CG షాట్స్‌తో కూడిన యాక్షన్ సన్నివేశాల చిత్రీకరణ పూర్తి చేయాలని లక్ష్యంగా పెట్టుకున్నారు. ఆ తర్వాత మాటల సన్నివేశాలు, ఇతర కనెక్టింగ్ సీన్స్ షూట్ చేస్తారు.

అనుకున్న విధంగా అన్నీ సాగితే, ఈ చిత్రం 2027 చివర్లో ప్రపంచవ్యాప్తంగా విడుదల కానుంది.