అల్లు అర్జున్ 'రాక' 2028కు వాయిదా? లోకేశ్ కనగరాజ్ సినిమా ముందు?

నటుడు అల్లు అర్జున్ నటించనున్న గ్రాఫిక్స్ ఆధారిత చిత్రం 'రాక' విడుదల తేదీపై తాజా చర్చ మొదలైంది. మేకర్స్ ఇంకా అధికారిక ప్రకటన చేయనప్పటికీ, ఈ సినిమా 2027కి బదులు 2028లో రావడానికి అవకాశం ఉందని సమాచారం.

పుష్ప సిరీస్‌లో భాగంగా వచ్చిన చిత్రాలు డిసెంబర్‌లో విడుదలైన కారణంగా, 'రాక' కూడా 2027 డిసెంబర్‌లో రావచ్చని ప్రచారం జరిగింది. కానీ సినిమా పూర్తిగా గ్రాఫిక్స్‌తో తీయడం వల్ల పోస్ట్ ప్రొడక్షన్ సమయం పడే అవకాశం ఉంది. 2027 చివరికి పూర్తి చేయడం కష్టమని చిత్ర యూనిట్ భావిస్తున్నట్టు తెలిసింది.

ఈ నేపథ్యంలో అల్లు అర్జున్-లోకేశ్ కనగరాజ్ కాంబినేషన్‌లో తెరకెక్కుతున్న మరో సినిమా షూటింగ్ ముందుకు వచ్చే అవకాశం ఉంది. ఈ చిత్రంలో అల్లు అర్జున్ లుక్ టెస్ట్ ఇప్పటికే పూర్తిచేశారు. త్వరలో దీనికి సంబంధించిన మేకింగ్ వీడియో విడుదల చేయాలని యూనిట్ భావిస్తోంది. ఈ సినిమాలో కథానాయకగా పూజా హెగ్డే ఎంపికయ్యే అవకాశాలు కనిపిస్తున్నాయి.

రాకా విడుదల ఆలస్యమైతే లోకేశ్ కనగరాజ్ సినిమా ముందుగా రిలీజ్ చేయాలని అల్లు అర్జున్ ఆలోచనగా ఉన్నట్టు సమాచారం. మేకర్స్ అధికారిక ప్రకటన వెలువడాల్సి ఉంది.