అల్లు అర్జున్ 'రాక' విడుదల తేదీపై అనిశ్చితి, VFX పనులకు టైమ్ ఇస్తున్న అట్లీ

అల్లు అర్జున్ నటిస్తున్న ‘రాక’ చిత్రం విడుదల తేదీ ఇంకా అధికారికంగా ప్రకటించలేదు. దర్శకుడు అట్లీ సినిమా విజువల్ క్వాలిటీపై ఎక్కడా రాజీపడటం లేదని, VFX బృందానికి కావలసినంత సమయం ఇస్తున్నట్లు చిత్ర వర్గాలు తెలిపాయి.

ఈ సైన్స్ ఫిక్షన్ చిత్రాన్ని పేరలల్ యూనివర్స్ నేపథ్యంలో రూపొందిస్తున్నారు. నిర్మాతలు సుమారు రూ.800 కోట్ల నుంచి రూ.1000 కోట్ల బడ్జెట్ కేటాయించారని సమాచారం. చిత్రంలో నటి దీపికా పదుకొణె కూడా ఉన్నారు. ఆమె ప్రెగ్నెన్సీ కారణంగా షూటింగ్ కొంత పెండింగ్ పడిందని తెలుస్తోంది.

ఈ ఏడాది అల్లు అర్జున్ పుట్టినరోజు సందర్భంగా ‘రాక’ టైటిల్ ను రివీల్ చేసినప్పటికీ, విడుదల తేదీ చెప్పలేదు. కొందరు అభిమానులు 2027లో సినిమా రావొచ్చని భావిస్తుండగా, విజువల్ ఎఫెక్ట్స్ కు ఎక్కువ సమయం పట్టే అవకాశం ఉండటంతో 2028 వరకు ఆలస్యం అయ్యే చాన్స్ ఉందని ఫిల్మ్ నగర్ వర్గాలు పేర్కొంటున్నాయి.

ఇదిలా ఉంటే, అల్లు అర్జున్ తన తదుపరి చిత్రాన్ని దర్శకుడు లోకేశ్ కనగరాజ్ తో అక్టోబర్ నుంచి ప్రారంభించే అవకాశం ఉందని మరో టాక్ వినిపిస్తోంది. దీంతో ‘రాక’ షూటింగ్ షెడ్యూల్ పైనా ప్రభావం పడే అవకాశం ఉంది.