అల్లు అర్జున్ రాజకీయ ప్రవేశంపై సోషల్ మీడియాలో ప్రచారం; ఆయన టీం ఖండన

నటుడు అల్లు అర్జున్ రాజకీయాల్లోకి ప్రవేశిస్తారనే ప్రచారం సోషల్ మీడియాలో రెండు రోజులుగా వైరల్‌గా మారింది.

రాజకీయ వ్యూహకర్త ప్రశాంత్ కిషోర్‌తో ఆయన రహస్యంగా సమావేశమయ్యారని, తెలంగాణ లేదా ఏపీలో కొత్త పార్టీ పెట్టాలని యోచిస్తున్నారని పోస్టులు చక్కర్లు కొడుతున్నాయి. ఆయన మామ కంచర్ల చంద్రశేఖర్ రెడ్డి నేపథ్యంలో ఉండి వ్యవహారాన్ని నిర్వహిస్తున్నారన్న వాదనలు కూడా వినిపిస్తున్నాయి.

అయితే ఈ ప్రచారాన్ని అల్లు అర్జున్ టీం పూర్తిగా నిరాధారమైనదిగా కొట్టిపారేసింది. ఈ విషయంపై అల్లు అర్జున్ లేదా ప్రశాంత్ కిషోర్ నుంచి ఎలాంటి అధికారిక వ్యాఖ్య రాలేదు. గతంలోనూ ఇలాంటి వార్తలు రావడం, ఆయన టీం ఖండించడం జరిగింది.