హైదరాబాద్ ఔటర్ రింగ్ రోడ్ సమీపంలో AMR లివింగ్ స్పేసెస్ లెగసీ విల్లా ప్రాజెక్ట్ ప్రారంభం

AMR లివింగ్ స్పేసెస్ హైదరాబాద్ ఔటర్ రింగ్ రోడ్‌కు సమీపంలో గౌరెల్లి వద్ద లెగసీ పేరుతో ఒక కొత్త విల్లా ప్రాజెక్ట్‌ను ప్రారంభించింది. ఈ ప్రాజెక్ట్ 10 ఎకరాల విస్తీర్ణంలో నిర్మిస్తున్నారు. ఇందులో 112 లగ్జరీ విల్లాలు ఉంటాయి.

విల్లాలు 165 నుంచి 338 చదరపు గజాల వైశాల్యంలో అందుబాటులో ఉంటాయి. ఒక్కో విల్లాలో 2,267 నుంచి 5,104 చదరపు అడుగుల బిల్టప్ ఏరియా ఉంటుంది. ఈ ఇళ్లను 2 నుంచి 5 బెడ్‌రూమ్‌ల ఎంపికలతో నిర్మిస్తున్నారు. ప్రతి విల్లాలో రెండు కార్లకు పార్కింగ్ సదుపాయం ఉంటుంది.

ప్రాజెక్ట్‌లో 15,000 చదరపు అడుగుల నాలుగంతస్తుల క్లబ్ హౌస్, ఇండోర్ గేమ్స్, మెడిటేషన్ హాల్, బ్యాంకెట్ హాల్, అతిథి గదులు, ఫార్మసీ, ఏటీఎం, గ్రోసరీ స్టోర్, సెలూన్, స్పా, లైబ్రరీ, స్టడీ రూం, ఫస్ట్ ఎయిడ్ రూం వంటి సౌకర్యాలు ఉన్నాయి. 24 గంటల భద్రత, సోలార్ ఫెన్సింగ్, సీసీటీవీ వ్యవస్థ కూడా అందుబాటులో ఉంటాయి.

ఈ ప్రాజెక్ట్ ఔటర్ రింగ్ రోడ్ ఎగ్జిట్ 10 నుంచి కేవలం రెండు నిమిషాల దూరంలో ఉంది. విజయవాడ, వరంగల్ జాతీయ రహదారులను ఐదు నిమిషాల్లో చేరుకోవచ్చు. వేగంగా అభివృద్ధి చెందుతున్న ఈ ప్రాంతంలో మంచి రోడ్డు కనెక్టివిటీ, విద్యా సంస్థలు, ఆసుపత్రులు ఉన్నాయి. ఇందులో ఇన్వెస్ట్ చేస్తే మంచి అప్రిసియేషన్ ఉంటుందని AMR లివింగ్ స్పేసెస్ తెలిపింది.