అనకాపల్లి జిల్లాలో మున్సిపల్ పోలింగ్: 76 వార్డులు, 228 బూత్లలో ఓటింగ్ కొనసాగుతోంది

అనకాపల్లి జిల్లాలోని నర్సీపట్నం, ఎలమంచిలి, అనకాపల్లి జోన్లలో మున్సిపల్ పోలింగ్ కొనసాగుతోంది. ఉదయం 7 గంటలకు ప్రారంభమైన ఓటింగ్ సాయంత్రం 5 గంటల వరకు జరుగుతుంది. ఆ సమయంలో క్యూలో ఉన్న ఓటర్లకు కూడా ఓటు వేసే అవకాశం ఇస్తారు.

మొత్తం 76 వార్డుల్లో ఎన్నికలు జరుగుతున్నాయి. నర్సీపట్నం, ఎలమంచిలిలో 72 వార్డులు, GVMC పరిధిలోని అనకాపల్లి జోన్లో 6 వార్డులు ఉన్నాయి. మూడు ప్రాంతాల్లో కలిపి 228 పోలింగ్ బూతులు ఏర్పాటు చేశారు.

ఉదయం నుంచే ఓటర్లు బూత్ల వద్ద బారులు తీరుతున్నారు. మహిళా ఓటర్లు, వృద్ధులు పెద్ద సంఖ్యలో ఓటు వేయడానికి వస్తున్నారు. పోలింగ్ ప్రశాంతంగా కొనసాగుతోంది.

సమస్యాత్మక బూత్లపై పోలీసులు ప్రత్యేక నిఘా పెట్టారు. ఫ్లయింగ్ స్క్వాడ్లు, పోలీసు బృందాలు పర్యవేక్షణ చేస్తున్నాయి. అవాంఛనీయ సంఘటనలు జరగకుండా అధికారులు ఏర్పాట్లు చేశారు.