"రాజా ది రాజా" సినిమా విడుదల ముందు దర్శకుడు అనిల్ బోయిడప్పు భావోద్వేగ ప్రసంగం

"రాజా ది రాజా" సినిమా జూలై 17న ప్రేక్షకుల ముందుకు రానుంది. ఈ నేపథ్యంలో చిత్ర దర్శకుడు అనిల్ బోయిడప్పు మీడియా సమావేశంలో మాట్లాడారు.

సుమారు రెండేళ్లుగా ఈ సినిమా కోసం కలలు కంటున్నామని, ప్రయత్నంలో చాలాసార్లు చర్చించుకున్నామని, కొన్నిసార్లు విభేదాలు వచ్చినా చివరకు మంచి ఫలితం వచ్చిందని ఆయన తెలిపారు. హీరో రుత్విక్, హీరోయిన్ విశాఖ సహా నటీనటులు చాలా కష్టపడ్డారని, ప్రతి సన్నివేశాన్ని ఇష్టంగా నటించారని చెప్పారు.

విశాఖ తెలుగు భాష మీద పట్టు లేకపోయినా, ఒకటిన్నర పేజీల సంభాషణలతో కూడిన ఎమోషనల్ సీనును సింగిల్ టేక్‌లో పూర్తి చేయడం విశేషం. రుత్విక్, నరేష్‌తో నటించిన సన్నివేశం తనకు ఆల్‌టైమ్ ఫేవరెట్ అని, ఆ రోజు షూటింగ్ మొత్తం గుర్తుండిపోయేదిగా ఉందని దర్శకుడు వివరించారు. సాయికుమార్, రోహిణి, అవసరాల శ్రీనివాస్ వంటి నటులు కూడా మంచి పాత్రలు పోషించారని, సినిమాకు బలం చేకూర్చారని చెప్పారు.

సంగీత దర్శకుడు మార్కే రాబిన్ ఇచ్చిన పాటలు బ్లాక్‌బస్టర్ స్థాయిలో స్పందన పొందాయని, ఆయనే ఈ చిత్రానికి "రాజా ది రాజా" అనే టైటిల్ కూడా సూచించాడని తెలిపారు. అసిస్టెంట్ డైరెక్టర్ భార్గవ్ యుద్ధంలా శ్రమించి సినిమాను తీర్చిదిద్దాడని ప్రశంసించారు. జూలై 17న సినిమాను ప్రేక్షకులు ఆదరించాలని కోరుతూ మీడియా సహకారాన్ని కోరారు.