ఏపీ గ్రామ పంచాయతీ ఎన్నికలు: రేపటి నుంచి నామినేషన్ల స్వీకరణ

ఆంధ్రప్రదేశ్‌లో గ్రామ పంచాయతీ ఎన్నికల నామినేషన్ల స్వీకరణ రేపటి నుంచి ప్రారంభం కానుంది. ఈ నెల 17 వరకు నామినేషన్లు స్వీకరిస్తారు. 18న నామినేషన్ల పరిశీలన జరుగుతుంది.

తిరస్కరించిన నామినేషన్లపై 19న అప్పీళ్లు దాఖలు చేయొచ్చు. 20న అప్పీళ్లను పరిష్కరిస్తారు. 21న మధ్యాహ్నం 3 గంటల వరకు నామినేషన్ల ఉపసంహరణకు గడువు ఉంది. ఆ తర్వాత తుది అభ్యర్థుల జాబితా ప్రకటిస్తారు.

పోలింగ్ నవంబర్ 26న ఉదయం 7 నుంచి మధ్యాహ్నం 1 గంట వరకు జరుగుతుంది. అదే రోజు మధ్యాహ్నం 2 గంటల నుంచి ఓట్ల లెక్కింపు ప్రారంభమవుతుంది. ఫలితాలు సాయంత్రానికి వెల్లడయ్యే అవకాశం ఉందని అధికారులు తెలిపారు.

ఫలితాల అనంతరం ఉపసర్పంచ్ ఎన్నిక నిర్వహిస్తారు. ప్రశాంతంగా ఎన్నికలు నిర్వహించేందుకు రాష్ట్ర ఎన్నికల సంఘం ఏర్పాట్లు చేస్తోంది. పంచాయతీ ఎన్నికలను మూడు విడతల్లో నిర్వహించేందుకు కూడా ఏర్పాట్లు చేస్తున్నట్లు అధికారులు తెలిపారు.