ఆసిఫాబాద్ జిల్లాలో భారీ వర్షం: నదులు ఉప్పొంగి ప్రవహిస్తున్నాయి

కొమరంభీం ఆసిఫాబాద్ జిల్లా కౌటాల మండలంలో భారీ వర్షం కురిసింది. ఎగువ ప్రాంతాల్లో కురిసిన వర్షాల కారణంగా వార్ధ, ప్రాణహిత నదుల నీటిమట్టం వేగంగా పెరిగింది.

తుమ్మిడిహెట్టి వద్ద పుష్కర ఘాట్ వరకు వరద నీరు చేరడంతో నదీ పరివాహక ప్రాంతాల ప్రజలను అధికారులు అప్రమత్తం చేశారు. జాలర్లు ఎవరూ చేపల వేటకు వెళ్లవద్దని హెచ్చరికలు జారీ చేశారు.

నదులు నిండు కుండల్లా ప్రవహిస్తున్న నేపథ్యంలో అధికారులు పరిస్థితిని పర్యవేక్షిస్తున్నారు.