అస్సాంలో భారీ వర్షాలు, వరదలు; 6 లక్షల మంది ప్రభావితం

అస్సాంలో కురుస్తున్న భారీ వర్షాల వల్ల వరదలు సంభవించాయి. రాష్ట్రంలోని 10 జిల్లాలు తీవ్రంగా ప్రభావితమయ్యాయి. దాదాపు 6 లక్షల మంది ఇబ్బందులు పడుతున్నారు. లోతట్టు ప్రాంతాలు జల దిగ్బంధంలో చిక్కుకున్నాయి.

గువహాటి నగరంలోని లోతట్టు ప్రాంతాలు నీట మునిగాయి. నదులు ప్రమాదకర స్థాయిలో ప్రవహిస్తున్నాయి. అధికారులు లోతట్టు ప్రాంతాల ప్రజలను సురక్షిత ప్రాంతాలకు తరలిస్తున్నారు.

నష్ట తీవ్రత అంచనా వేయడానికి కేంద్ర బృందాలు అసోం వెళ్ళనున్నాయి. అదే సమయంలో నాగాలాండ్లో పలు ప్రాంతాల్లో కొండచరియలు విరిగిపడ్డాయి. ఈ ఘటనలో చిక్కుకున్న 180 మందిని సురక్షిత ప్రాంతాలకు తరలించారు.