వర్జీనియా పొగాకు వేలంలో పాల్గొనాల్సిందే: మంత్రి అచ్చన్నాయుడు

మంత్రి కింజరాపు అచ్చన్నాయుడు టెలీ కాన్ఫరెన్స్ నిర్వహించారు. వర్జీనియా పొగాకు కొనుగోళ్లపై కీలక ఆదేశాలు జారీ చేశారు. ప్రతి కంపెనీ తప్పనిసరిగా వేలంలో పాల్గొనాలని నిర్దేశించారు.

ఆయన మాట్లాడుతూ, అన్ని గ్రేడుల పొగాకును కంపెనీలు కొనాలని, రిజెక్షన్ రేటు తగ్గించాలని ఆదేశించారు. కంపెనీలు సిండికేట్ చేస్తే కఠిన చర్యలు తీసుకుంటామని హెచ్చరించారు. టొబాకో బోర్డు కొనుగోళ్ళను నిశితంగా పర్యవేక్షించాలని సూచించారు.

రైతుల ప్రయోజనాల విషయంలో రాజీ లేదని మంత్రి స్పష్టం చేశారు. బోర్డు సూచనల ప్రకారం పొగాకు తీసుకువస్తే మంచి ధర వస్తుందని, రిజెక్షన్ తగ్గుతుందని అన్నారు. పొగాకు నిల్వ ఉంచాలనుకునే రైతులకు రుణాలు ఇప్పించేందుకు బ్యాంకర్లతో చర్చించి ఏర్పాటు చేస్తామన్నారు.

ఈ టెలీ కాన్ఫరెన్స్ లో మంత్రులు గొడ్డిపాటి రవి, డోలా శ్రీ బాలవీరాంజనేయ స్వామి, టొబాకో బోర్డు చైర్మన్, వ్యవసాయ శాఖ డైరెక్టర్ పాల్గొన్నారు.