నటుడు బాలకృష్ణ మోకాలి శస్త్రచికిత్స విజయవంతం

నటుడు, హిందూపురం ఎమ్మెల్యే నందమూరి బాలకృష్ణకు షూటింగ్ సమయంలో మోకాలికి గాయమై శస్త్రచికిత్స చేశారు. హైదరాబాద్లోని ఏఐజీ ఆస్పత్రిలో ఈ ఆపరేషన్ విజయవంతంగా పూర్తయింది.

గోపీచంద్ మల్లినేని దర్శకత్వంలో కాకినాడ పోర్టు పరిసరాల్లో ఎన్బీకే 111 చిత్రం షూటింగ్ జరుగుతోంది. భారీ యాక్షన్ సీన్ చేస్తుండగా బాలకృష్ణ ఎడమ మోకాలికి తీవ్ర గాయమైంది. వెంటనే కాకినాడలో ప్రాథమిక చికిత్స అందించి, ఆయనను హైదరాబాద్ తరలించారు.

మూడు గంటల పాటు జరిగిన ఈ ఆపరేషన్ ఎలాంటి సమస్యలు లేకుండా పూర్తయినట్లు వైద్యులు తెలిపారు. ప్రస్తుతం ఆయన ఆరోగ్యం నిలకడగా ఉంది. వైద్యుల పర్యవేక్షణలో ఉన్నారు.

నాలుగు వారాల విశ్రాంతి తర్వాత బాలకృష్ణ మళ్లీ పనులు ప్రారంభించవచ్చని వైద్యులు సూచించారు. ఈ వార్త విన్న అభిమానులు, సినీ ప్రముఖులు ఆయన త్వరగా కోలుకోవాలని ఆకాంక్షిస్తున్నారు.