మానసిక స్థితి లేని వ్యక్తికి ఆశ్రయం కల్పించిన సమాజ సేవకుడు బాలరాజు

మానసిక స్థితి కోల్పోయి రోడ్లపై తిరుగుతున్న ఒక వ్యక్తిని సమాజ సేవకుడు బాలరాజు పోలీసుల సహాయంతో అనాథ ఆశ్రమంలో చేర్పించారు.

బాలరాజు ఎల్బీనగర్లోని మన్సూరాబాద్‌లో టీ స్టాల్ నడుపుతున్నారు. మూడు నెలల క్రితం గుర్తుతెలియని ఈ వ్యక్తి రోడ్డుపై తిరుగుతుండగా చూసి, ఆయనకు భోజనం పెట్టేవారు. వర్షాకాలం ప్రారంభం కావడంతో ఆశ్రయం కోసం చౌటుప్పల్ పోలీసులను సంప్రదించారు.

చౌటుప్పల్ పోలీస్ స్టేషన్ హెడ్ కానిస్టేబుల్ రాంబాబు తెలిపిన వివరాల ప్రకారం, ఈ వ్యక్తికి మానసిక చికిత్స అందించి, ఆ తర్వాత అతని కుటుంబానికి చేర్చాలని భావిస్తున్నారు. ప్రస్తుతం అతను అమ్మా నాన్న అనాథ ఆశ్రమంలో చేరి వైద్య సహాయం పొందుతున్నాడు.

ఈ వ్యక్తికి సంబంధించిన కుటుంబ సభ్యులు ఉంటే ఆశ్రమాన్ని సంప్రదించాలని శ్రీశంకర గురూజీ విజ్ఞప్తి చేశారు.