బారుయిపూర్ లో బాలికపై అత్యాచారం, హత్య కేసులో ఇద్దరు నిందితులు అరెస్ట్

పశ్చిమ బెంగాల్ లోని బారుయిపూర్ లో ఓ మైనర్ బాలికపై అత్యాచారం చేసి హత్య చేసిన కేసులో పోలీసులు ఇద్దరు నిందితులను అరెస్ట్ చేశారు. స్థానికుల నుంచి తీవ్ర నిరసనలు వ్యక్తం అవుతున్న నేపథ్యంలో నిందితులను కోర్టు ఆదేశాల మేరకు మెడికల్ పరీక్ష కోసం తరలించారు. ఈ సందర్భంగా స్థానికులు నిందితులను చూసి 'ఎందుకు చంపారు, ఎందుకు దారుణం చేశారు' అంటూ ఆందోళన చేపట్టారు. పోలీసులు లాఠీచార్జీ చేసి పరిస్థితిని అదుపులోకి తీసుకున్నారు.

బారుయిపూర్ లో ఈ నెల ప్రారంభంలో ఓ బాలిక అదృశ్యమైంది, ఆమె మృతదేహం కొన్ని రోజుల తర్వాత లభ్యమయ్యింది. పోస్టుమార్టం రిపోర్టులో లైంగిక దాడి జరిగినట్లు నిర్ధారణ అయ్యింది. ఈ ఘటనపై స్థానిక ఎమ్మెల్యే, మహిళా సంఘాలు తీవ్ర నిరసన తెలిపాయి. పోలీసులు సీసీటీవీ ఫుటేజ్ ఆధారంగా ఇద్దరు అనుమానితులను గుర్తించి అరెస్ట్ చేశారు. నిందితులను 14 రోజుల జ్యుడీషియల్ కస్టడీకి పంపినట్లు అధికారులు తెలిపారు.