బాసర జ్ఞాన సరస్వతి ఆలయంలో శరన్నవరాత్రి ఉత్సవాలు ప్రారంభం

నిర్మల్ జిల్లా బాసరలోని జ్ఞాన సరస్వతి అమ్మవారి ఆలయంలో శరన్నవరాత్రి ఉత్సవాలు ప్రారంభం కానున్నాయి. ఈ ఉత్సవాలు ఈ నెల 11వ తేదీ నుంచి 20వ తేదీ విజయదశమి వరకు జరుగుతాయి.

ఆలయ అధికారులు అన్ని ఏర్పాట్లు పూర్తి చేశారు. భక్తులకు ఇబ్బందులు లేకుండా చర్యలు తీసుకుంటున్నట్లు అధికారులు తెలిపారు. నవరాత్రుల్లో అమ్మవారు ప్రతిరోజు వివిధ రూపాల్లో దర్శనం ఇస్తారని వారు చెప్పారు.

ఈ నెల 16వ తేదీన మూలా నక్షత్రం నాడు భక్తులు భారీ సంఖ్యలో వచ్చే అవకాశం ఉందని ఆలయ అధికారులు అంచనా వేస్తున్నారు. ఆ రోజు అమ్మవారి జన్మ నక్షత్రం కావడంతో భక్తులు పుస్తక పూజ, లేఖన పూజ చేస్తారని తెలిపారు.

భక్తులు కుటుంబసమేతంగా వచ్చి అమ్మవారిని దర్శించుకోవాలని ఆలయ అధికారులు కోరారు.