తెలంగాణలో బతుకమ్మ సంబరాలు ప్రారంభం; రవీంద్ర భారతిలో అధికారిక వేడుకలు

తెలంగాణలో బతుకమ్మ వేడుకలు ప్రారంభమయ్యాయి. తొలి రోజు ఎంగిలిపూల బతుకమ్మను మహిళలు జరుపుకున్నారు. వివిధ రకాల పూలతో బతుకమ్మలను పేర్చి పాటలు పాడుతూ ఆడారు.

హైదరాబాద్ రవీంద్ర భారతిలో రాష్ట్ర ప్రభుత్వ భాషా సాంస్కృతిక శాఖ ఆధ్వర్యంలో అధికారిక వేడుకలు జరిగాయి. ఈ కార్యక్రమంలో మంత్రులు జూపల్లి కృష్ణారావు, పొన్నం ప్రభాకర్ పాల్గొన్నారు. వారు దీప ప్రజ్వలన చేసి వేడుకలను ప్రారంభించారు.

ఈసారి ప్రభుత్వం ఇంటింటా బతుకమ్మ కార్నివాల్ పేరుతో వేడుకలు నిర్వహిస్తోంది. నేటి నుంచి 18వ తేదీ వరకు తొమ్మిది రోజుల పాటు కార్యక్రమాలు జరుగుతాయి.

వరంగల్ వేయి స్తంభాల గుడి వద్ద, శిల్పారామంలో కూడా మహిళలు బతుకమ్మ ఆడారు. వరంగల్ 23వ డివిజన్ తోట మైదానంలో మాజీ మంత్రి కొండా సురేఖ పాల్గొన్నారు. జనగామ జిల్లా పాలకుర్తిలో ఎమ్మెల్యే యశస్విని రెడ్డి మహిళలతో కలిసి బతుకమ్మ ఆడారు.

మంత్రి జూపల్లి కృష్ణారావు మాట్లాడుతూ బతుకమ్మ పండుగ అందరి జీవితాల్లో రంగులు నింపాలన్నారు. తెలంగాణ సంస్కృతి, సంప్రదాయాలను భవిష్యత్తు తరాలకు అందించాలన్నారు. మంత్రి పొన్నం ప్రభాకర్ మహిళలను గౌరవించే సంస్కృతిని కాపాడాలన్నారు.