విజయవాడలో ఎంగిలిపుల బతుకమ్మ వేడుకలు ప్రారంభం

విజయవాడలో బతుకమ్మ సంబరాలు ప్రారంభమయ్యాయి. మహా అమావాస్య సందర్భంగా మహిళలు తొలిరోజు ఎంగిలిపుల బతుకమ్మ వేడుకలు నిర్వహించారు.

పుష్ప హోటల్ సెంటర్ సమీపంలోని ముత్యాలమ్మ గుడి వద్ద మహిళలు పెద్ద సంఖ్యలో పాల్గొన్నారు. గునుగు, తంగిడు, బంతి తదితర పూలతో బతుకమ్మలను అలంకరించారు.

బతుకమ్మను మధ్యలో ఉంచి చుట్టూ తిరుగుతూ పాటలు పాడుతూ ఆటలాడారు. తెలంగాణ సంప్రదాయమైన బతుకమ్మ వేడుకలు విజయవాడలో కూడా మొదలయ్యాయి.