వరంగల్ వేయి స్తంభాల ఆలయంలో బతుకమ్మ సంబరాలు ప్రారంభం

తెలంగాణలో బతుకమ్మ వేడుకలు మొదలయ్యాయి. వరంగల్ వేయి స్తంభాల దేవాలయం వద్ద మొదటి రోజు ఎంగిలిపూల బతుకమ్మ సంబరాలు జరిగాయి. సాయంత్రం 5 గంటల నుంచి వేలాది మంది మహిళలు బతుకమ్మలను తీసుకొని ఆలయానికి చేరుకున్నారు.

మహిళలు సాంప్రదాయ దుస్తులు ధరించి పూలను పేర్చారు. బతుకమ్మ పాటలు, నృత్యాలు కొనసాగాయి. ఆలయ ప్రాంగణం మహిళలతో నిండింది.

పోలీసులు భద్రత ఏర్పాట్లు చేశారు. ట్రాఫిక్, పార్కింగ్ ఇబ్బందులు లేకుండా మహిళా పోలీసులు, లా అండ్ ఆర్డర్ పోలీసులు, SHE టీమ్స్‌ను నియమించారు. సాదా దుస్తుల్లో పోలీసులు కూడా గస్తీ తిరుగుతున్నారు.

DCP కవిత మాట్లాడుతూ మహిళలు సురక్షితంగా ఇళ్లకు వెళ్లే వరకు బందోబస్తు ఉంటుందని తెలిపారు. నగలు, చుట్టుపక్కల వ్యక్తులపై అప్రమత్తంగా ఉండాలని సూచించారు. అనుమానాస్పద వ్యక్తులను చూస్తే పోలీసులకు సమాచారం ఇవ్వాలని చెప్పారు.

ఈ వేడుకలు తొమ్మిది రోజుల పాటు కొనసాగుతాయి. చివరి రోజు సద్దుల బతుకమ్మ జరుగుతుంది.