బీరంగూడా మెయిన్ రోడ్డులో అక్రమ షాపులను తొలగించిన అధికారులు

సంగరెడ్డి జిల్లా బీరంగూడా మెయిన్ రోడ్డులో రహదారిని ఆక్రమించి ఏర్పాటు చేసిన అక్రమ షాపులను అధికారులు తొలగించారు. అమీన్‌పూర్ సర్కిల్ పరిధిలోని బీరంగూడా డివిజన్‌లో ఈ కూల్చివేత జరిగింది.

రెవెన్యూ, మున్సిపల్ అధికారులు ఈ చర్యలు చేపట్టారు. పోలీసు బందోబస్తు మధ్య కూల్చివేతలు జరిగాయి. ఇదే ప్రాంతంలో గతంలో HYDRAA అధికారులు కూడా షాపులను తొలగించారు. కూల్చివేత తర్వాత కొద్ది కాలానికే అక్కడ మళ్లీ తాత్కాలిక షాపులు వెలుస్తున్నాయి. ఇప్పటికే రెండుసార్లు షాపులను తొలగించినా తిరిగి షాపులు రావడంపై అధికారుల చర్యలపై విమర్శలు వ్యక్తమవుతున్నాయి.

ఈ షాపుల నుంచి కొంతమంది ప్రైవేటు వ్యక్తులు నెలవారీగా డబ్బు వసూలు చేస్తున్నారని బాధితులు ఆరోపిస్తున్నారు. తాము అధికారులకు కూడా నెలవారీ చెల్లింపులు చేస్తున్నామని షాపు యజమానులు చెబుతున్నారు. షాపులు మళ్లీ రావడంపై స్థానికులు అసహనం వ్యక్తం చేస్తున్నారు.

ఈ ఆరోపణలపై అధికారుల స్పందన లభ్యం కాలేదు.