కేంద్ర క్యాబినెట్ ఆమోదంతో బళ్లారి-గుంతకల్లు రైల్వే లైన్

కేంద్ర క్యాబినెట్ ఇటీవల జరిగిన సమావేశంలో ఆంధ్రప్రదేశ్-కర్ణాటకల మధ్య రైల్వే మౌలిక సదుపాయాల విస్తరణకు సంబంధించిన కీలక నిర్ణయం తీసుకుంది. గుంతకల్లు (ఏపీ) - బళ్లారి (కర్ణాటక) మధ్య అదనపు రైల్వే లైన్ల నిర్మాణానికి ఆమోదం తెలిపింది. ఈ ప్రాజెక్టుకు అంచనా వ్యయం ₹1,264 కోట్లు. 46 కిలోమీటర్ల మేర 3 నుంచి 4 కొత్త రైల్వే లైన్లను ఈ నిధులతో నిర్మించనున్నారు. ఈ కొత్త మార్గం వల్ల రెండు రాష్ట్రాల మధ్య రైలు సర్వీసులు మెరుగై, సరిహద్దు ప్రాంతాల ఆర్థిక కార్యకలాపాలకు ఊతం లభిస్తుందని భావిస్తున్నారు.