బెంగళూరు కేఫ్‌లో బిల్లుపై కస్టమర్‌కు బాడీ షేమింగ్; యాజమాన్యం బహిరంగ క్షమాపణ

బెంగళూరులోని ఓ కేఫ్‌లో సిబ్బంది కస్టమర్ బిల్లుపై బాడీ షేమింగ్ వ్యాఖ్యలు రాశారు. ఈ ఘటన సోషల్ మీడియాలో వైరల్ అయింది.

ఆ బిల్లుపై అతని పేరు లేదా టేబుల్ నంబర్‌కు బదులు "లిటిల్ ఫ్యాట్ బ్లాక్ షర్ట్" అని రాశారు. దీన్ని చూసిన కస్టమర్ మనస్తాపం చెందాడు. అతను ఆ బిల్లును సోషల్ మీడియాలో పెట్టి కేఫ్ యాజమాన్యాన్ని ప్రశ్నించాడు.

ఈ పోస్ట్ వైరల్ కావడంతో కేఫ్‌పై విమర్శలు వచ్చాయి. దీనిపై కేఫ్ యాజమాన్యం బహిరంగ క్షమాపణ చెప్పింది. తాము చేసిన తప్పుకు పూర్తి బాధ్యత తీసుకుంటున్నట్లు ప్రకటించింది.

కొన్ని తప్పులు నిశ్శబ్దంగా సరిచేసుకోవచ్చు, కానీ ఇలాంటి తప్పులు అందరికీ తెలిసేలా బహిరంగంగా సరిచేయాలని యాజమాన్యం తెలిపింది. బాడీ షేమింగ్ ఏ రూపంలోనైనా తప్పే అని కేఫ్ స్పష్టం చేసింది.