లెనిన్ విజయోత్సవంలో భాగ్యశ్రీ కన్నీరు

లెనిన్ సినిమా విజయోత్సవం సందర్భంగా నటి భాగ్యశ్రీ భావోద్వేగానికి గురయ్యారు. ఈ సందర్భంగా ప్రదర్శించిన ఒక వీడియో చూసి ఆమె కన్నీరు పెట్టుకున్నారు.

గత ఏడాదిన్నర పాటు సాగిన తన ప్రయాణంలో అభిమానులు చూపించిన మద్దతు, ప్రోత్సాహం వల్లే తాను ఈ స్థాయిలో నిలబడగలిగానని ఆమె వ్యాఖ్యానించారు. అభిమానులు పంపించిన మెసేజ్‌లు, రీల్స్‌, ప్రోత్సాహాలు తనకు ఎనలేని శక్తినిచ్చాయని చెప్పారు.

హైదరాబాద్ తన కర్మభూమి అని పేర్కొన్న భాగ్యశ్రీ, తన చివరి చిత్రం కూడా ఇక్కడే జరగాలని ఆశిస్తున్నట్లు వెల్లడించారు. ఈ విజయోత్సవం సందర్భంగా చిత్రబృందం ఆమెను ఘనంగా సన్మానించింది.