భాగ్యశ్రీ బోర్సేకు రాయలసీమ యాస నేర్చుకోవడం సవాల్‌గా మారింది

‘లెనిన్’ సినిమా కోసం తనకు ఎదురైన కొత్త అనుభవాన్ని నటి భాగ్యశ్రీ బోర్సే పంచుకున్నారు. ఈ సినిమాలో రాయలసీమ యాసలో సంభాషణలు చెప్పాలని రాగానే తాను కన్ఫ్యూజ్ అయ్యానని, అవి తెలుగు పదాలుగా కాకుండా వేరే భాషగా అనిపించాయని తెలిపారు.

దర్శకుడు నందు సహకారంతో ఆ యాస నేర్చుకున్నానని, ఆయన ప్రతి సన్నివేశంలో చాలా క్లారిటీతో ఉండేవారని వివరించారు. డైలాగ్స్ విషయంలో ఎక్కడ బలహీనంగా ఉన్నామో ఏమేం మెరుగుపరచాలో చర్చించుకునేవారన్నారు.

ఈ మొత్తం ప్రయాణం తనకు ఆటలాగా అనిపించిందని, క్యారెక్టర్‌పై ప్రేమతో చేసినప్పుడు కష్టమైనా సులువుగా మారుతుందని భాగ్యశ్రీ చెప్పారు. ‘లెనిన్’ చిత్రంపై ఇంకా పని చేస్తూనే ఉన్నామని, సినిమాను మరింత బెటర్ చేయాలనే ప్యాషన్‌తో అందరూ ఉన్నారని ఆమె సంకేతాలు ఇచ్చారు.