డిప్యూటీ సీఎం భట్టి 227 స్టాఫ్ నర్సులకు నియామక పత్రాలు అందజేత, మానవత్వంతో చికిత్స చేయాలని పిలుపు

తెలంగాణ డిప్యూటీ సీఎం భట్టి విక్రమార్క రాష్ట్ర ప్రభుత్వ ఆసుపత్రుల్లో పనిచేసే 227 మంది స్టాఫ్ నర్సులకు నియామక పత్రాలు అందజేశారు. ఈ సందర్భంగా నర్సులు పేద రోగులకు మానవత్వం, సేవాభావంతో చికిత్స అందించాలని ఆయన పిలుపునిచ్చారు.

ప్రభుత్వం అధికారంలోకి వచ్చిన నాటి నుంచి యువతకు ఉద్యోగ అవకాశాలు కల్పించడంతో పాటు ప్రభుత్వ వైద్యరంగాన్ని బలోపేతం చేయడంపై దృష్టి పెట్టిందని భట్టి తెలిపారు. ఈ నియామకాల ద్వారా గ్రామీణ, ప్రభుత్వ ఆసుపత్రుల్లో నర్సింగ్ సేవల కొరత తీరుతుందని, రోగులకు నాణ్యమైన వైద్యం అందుతుందని ఆయన చెప్పారు.

దాదాపు 15 సంవత్సరాల తర్వాత ఇంత పెద్ద సంఖ్యలో ఒకేసారి నర్సుల రిక్రూట్మెంట్ జరిగిందని, నియామకం పొందిన నర్సులకు ఆయన అభినందనలు తెలిపారు. వీరు గ్రామీణ ప్రాంతాల్లో సేవలు అందించడంతో ప్రజలకు వైద్య సేవలు మెరుగుపడతాయని ఆయన పేర్కొన్నారు.