చార్మినార్ భాగ్యలక్ష్మి దేవాలయాన్ని దర్శించిన బీజేపీ రాష్ట్ర అధ్యక్షుడు రామచంద్రరావు

దీపావళి పండుగ సందర్భంగా బీజేపీ తెలంగాణ రాష్ట్ర అధ్యక్షుడు రామచంద్రరావు హైదరాబాద్‌లోని చార్మినార్ భాగ్యలక్ష్మి దేవాలయాన్ని సందర్శించారు. అమ్మవారికి ప్రత్యేక పూజలు నిర్వహించి మొక్కులు చెల్లించుకున్నారు.

తెలంగాణ రాష్ట్రం సస్యశ్యామలంగా ఉండాలని అమ్మవారిని వేడుకున్నట్లు ఆయన తెలిపారు. తెలంగాణలోని ప్రతి ఇంట్లో వెలుగు రావాలని కోరుకున్నారు. ప్రజలు సుఖంగా ఉండాలని, వారి కష్టాలు తీరాలని ఆయన అమ్మవారిని వేడుకున్నారు.

చెడుపై మంచి సాధించిన విజయానికి దీపావళి ప్రతీక అని రామచంద్రరావు అన్నారు. తెలంగాణ ప్రజలకు ఆయన దీపావళి శుభాకాంక్షలు తెలిపారు.

దీపావళిని దేశవ్యాప్తంగా ఘనంగా జరుపుకుంటున్నారు. హైదరాబాద్‌లోనూ పండుగను ఘనంగా నిర్వహిస్తున్నారు. చార్మినార్ భాగ్యలక్ష్మి దేవాలయానికి సాయంత్రం వరకు పెద్ద సంఖ్యలో భక్తులు వస్తున్నారు.

కొద్ది రోజుల క్రితం కేంద్ర హోమ్ మంత్రి అమిత్ షా కూడా ఈ దేవాలయాన్ని దర్శించినట్లు రామచంద్రరావు గుర్తు చేశారు.