బోనం అంటే భోజనం: బోనాల పండుగ పేరు వెనకున్న అర్థం, ఆచారాల వివరణ

తెలంగాణలో ప్రతి ఏడాది ఆషాడ మాసంలో బోనాల పండుగను ఎంతో వైభవంగా జరుపుకుంటారు. ఈ పండుగలో అమ్మవారికి బోనం సమర్పించడం ముఖ్యమైన ఆచారం.

బోనం అనే పదం 'భోజనం' అనే సంస్కృత పదం నుండి వచ్చింది. కాలక్రమంలో అది 'బోనం'గా మారి, బహువచనంలో 'బోనాలు' అయ్యింది. ఆషాడ మాసం పేరు పౌర్ణమి రోజున చంద్రుడికి సమీపంలో పూర్వాషాడ లేదా ఉత్తరాషాడ నక్షత్రం ఉండటం వల్ల వచ్చింది.

భక్తులు అమ్మవారికి మొక్కులు చెల్లించడానికి లేదా సంతోషంగా పండుగగా నైవేద్యం సమర్పిస్తారు. కొందరు పాలు, పంచదారతో పాయసం, మరికొందరు పెరుగు అన్నం తయారు చేస్తారు. ఈ ప్రసాదాన్ని మట్టికుండలు లేదా ఇత్తడి కుండలతో తీసుకెళ్తారు.

కుండలపై పసుపు, కుంకుమ, సున్నం రాస్తారు. ఇవి యాంటీ ఫంగల్, యాంటీ బ్యాక్టీరియల్ గుణాలు కలిగి ఉండటంతో వర్షాకాలంలో సూక్ష్మజీవులు, కీటకాలు రాకుండా నిరోధిస్తాయని పూర్వీకులు ఈ పద్ధతిని ఏర్పాటు చేశారు.

ఆషాడ మాసంలో శరీరంలో మార్పులు, రుగ్మతలు వచ్చే అవకాశం ఉంటుంది. ఈ నేపథ్యంలో బోనాల ఆచారాలు ఆరోగ్య దృక్పథాన్ని సూచిస్తాయని వివరించారు.