శ్రీకాకుళం, అల్లూరి జిల్లాల్లో వర్షాలు: కలెక్టర్లకు అలర్ట్, జాగ్రత్తగా ఉండాలని CM పిలుపు

శ్రీకాకుళం, అల్లూరి సీతారామరాజు జిల్లాల్లో రేపు సాయంత్రం వరకు వర్షాలు కురిసే అవకాశం ఉందని CM చంద్రబాబు నాయుడు తెలిపారు. ఈ జిల్లాల కలెక్టర్లను అలర్ట్ చేసినట్లు ఆయన చెప్పారు. వారికి నిరంతరం గైడెన్స్ ఇస్తున్నట్లు పేర్కొన్నారు.

అనకాపల్లి జిల్లాలో కొన్ని ప్రాంతాల్లో తక్కువ స్థాయిలో వర్షాలు ఉంటాయని ఆయన అన్నారు. ఎక్కడా రిలాక్స్ కాకుండా చివరి వరకు జాగ్రత్తగా ఉండాలని అధికారులను కోరారు.

ఈరోజు ఉదయం అన్ని శాఖల ప్రధాన కార్యదర్శులతో సమీక్ష నిర్వహించినట్లు CM తెలిపారు. ప్రజలను కాపాడుకోవడానికి ప్రయత్నం చేశామని ఆయన చెప్పారు. ప్రాణ నష్టం, ఆస్తి నష్టాన్ని తగ్గించడమే లక్ష్యమని పేర్కొన్నారు.

వర్షాల డేటాను ఎలా హ్యాండిల్ చేయాలో ఇప్పుడు అధికార యంత్రాంగానికి నేర్పించాల్సిన పరిస్థితి వచ్చిందని ఆయన వ్యాఖ్యానించారు. కొంతమంది మృతి చెందిన ఘటనలను ప్రస్తావిస్తూ, కొంచెం జాగ్రత్త తీసుకుని ఉంటే నష్టం తగ్గి ఉండేదని ఆయన అన్నారు.