సినిమా షూటింగ్లో గాయపడ్డ బాలకృష్ణకు సీఎం చంద్రబాబు ఆసుపత్రిలో పరామర్శ
ఈ నెల 21వ తేదీన నటుడు నందమూరి బాలకృష్ణ సినిమా షూటింగ్లో గాయపడ్డారు. రాజమండ్రిలో దర్శకుడు గోపీచంద్ మలినేని చిత్రం షూటింగ్ సమయంలో ఆయన ఎడమ మోకాలికి గాయమైంది.
ప్రాథమిక చికిత్స అనంతరం బాలకృష్ణను ప్రత్యేక విమానంలో హైదరాబాద్కు తరలించారు. అక్కడ AG ఆసుపత్రిలో వైద్య పరీక్షలు నిర్వహించగా, క్వాడ్రిసెప్స్ టెండన్ చిరిగినట్లు, మోకాలికి ఇరువైపులా ఉన్న సహాయక కణజాలాలు దెబ్బతిన్నట్లు గుర్తించారు.
23వ తేదీన సుమారు మూడు గంటల పాటు శస్త్రచికిత్స జరిగింది. మోకాటి భాగంలో పేరుకుపోయిన రక్తాన్ని తొలగించి, చిరిగిపోయిన టెండన్ను మరమ్మత్తు చేశారు. ఇతర కణజాలాలకు కూడా మరమత్తులు చేసినట్లు వైద్యులు తెలిపారు.
ఆయన ఆరోగ్య పరిస్థితి గురించి తెలుసుకోవడానికి ఆంధ్రప్రదేశ్ ముఖ్యమంత్రి నారా చంద్రబాబు నాయుడు హైదరాబాద్లోని AG ఆసుపత్రికి వెళ్లి బాలకృష్ణను పరామర్శించారు. చికిత్స వివరాలు, భవిష్యత్తు పునరావాస ప్రణాళిక గురించి వైద్యులతో ఆయన చర్చించినట్లు సమాచారం.
ప్రస్తుతం బాలకృష్ణ ఆరోగ్యం నిలకడగా ఉందని, కోలుకుంటున్నారని ఆసుపత్రి వర్గాలు తెలిపాయి. ఆయన పూర్తిగా కోలుకునే వరకు సినిమా షూటింగ్కు తాత్కాలికంగా విరామం ఇచ్చినట్లుగా తెలుస్తోంది. ఈ ఘటన తర్వాత సోషల్ మీడియాలో అభిమానులు బాలకృష్ణ త్వరగా కోలుకోవాలని పోస్టులు పెడుతున్నారు.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
