చెన్నై లవ్ స్టోరీ: రిలీజ్ ముందే రూ.40 కోట్ల ప్రీ-రిలీజ్ బిజినెస్; నిర్మాతలకు లాభాలు

కిరణ్ అబ్బవరం హీరోగా నటించిన ‘చెన్నై లవ్ స్టోరీ’ సినిమా విడుదలకు ముందే భారీ లాభాల్లో కి వచ్చింది. ఈ సినిమా ప్రీ-రిలీజ్ బిజినెస్ రూ.40 కోట్లకు పైగా జరిగింది. సినిమా బడ్జెట్ రూ.20-25 కోట్లు మాత్రమే.

రిపోర్టుల ప్రకారం, డిజిటల్ రైట్స్ రూ.14 కోట్లకు ఒక OTT సంస్థ కొనుగోలు చేసింది. థియేట్రికల్ హక్కులు ఆంధ్రాలో రూ.8 కోట్లు, నైజాంలో రూ.8 కోట్లు, సీడెడ్లో రూ.3 కోట్లు, ఓవర్సీస్, రెస్ట్ ఆఫ్ ఇండియా కలిపి రూ.4 కోట్లకు అమ్ముడయ్యాయి. మొత్తం థియేట్రికల్ బిజినెస్ రూ.23 కోట్లు. ఆడియో రైట్స్ కింద రూ.5 కోట్లు వచ్చాయి.

ఇంకా శాటిలైట్, హిందీ రైట్స్ అమ్మకాలు జరగాల్సి ఉంది. కిరణ్ అబ్బవరం రెమ్యునరేషన్ తీసుకోకుండా లాభాల్లో వాటా తీసుకుంటున్నట్లు సమాచారం. దీంతో నిర్మాతలకు ఖర్చు తగ్గి, సినిమా లాభాల బాట పట్టింది. జూలై 24న ఈ సినిమా విడుదల కానుంది.