చైనా ప్రపంచంలో మొట్టమొదటి AI స్మార్ట్‌ఫోన్ StepX Neo విడుదల

చైనా ప్రపంచంలో మొట్టమొదటి AI స్మార్ట్‌ఫోన్‌ను విడుదల చేసింది. Step Fun అనే చైనీస్ AI స్టార్టప్ StepX Neo ఫోన్‌ను ప్రారంభించింది.

2023లో Microsoft మాజీ ఉద్యోగులు స్థాపించిన Step Fun సంస్థ ఈ ఫోన్‌ను తయారు చేసింది. ఫోన్‌లో Step Amo అనే ఇన్‌బిల్ట్ AI ఏజెంట్ ఉంది. ఇది కంపెనీ సొంత ఆపరేటింగ్ సిస్టం StepOS పై పనిచేస్తుంది.

ఈ AI అసిస్టెంట్ ఇంటర్నెట్ లేకుండానే పనిచేయగలదు. ఒకే వాయిస్ కమాండ్‌తో బహుళ యాప్‌ల మధ్య మారుతూ పనులు పూర్తి చేస్తుంది. ఫ్లైట్ టికెట్లు బుక్ చేయడం, హోటల్ రిజర్వేషన్ చేయడం, పూర్తి ప్రయాణ షెడ్యూల్ రూపొందించడం వంటి పనులు చేయగలదు.

32 భాషలకు లైవ్ ట్రాన్స్‌లేషన్ సౌకర్యం కూడా ఉంది. Alipay, Didi, Trip.com వంటి డిజిటల్ సేవలతో భాగస్వామ్యం ద్వారా చెల్లింపులు, క్యాబ్ బుకింగ్, ప్రయాణ సేవలు సులభంగా పొందవచ్చు. AI ఏజెంటిక్ టెక్నాలజీతో ఈ ఫోన్ మొబైల్ అనుభవాన్ని పూర్తిగా మార్చే అవకాశం ఉందని టెక్ నిపుణులు అభిప్రాయపడుతున్నారు.