ఢిల్లీ మెట్రోలో యువతి ఫోటో తీసిన CISF జవాన్‌ను సస్పెండ్ చేశారు

ఢిల్లీ మెట్రో రైలులో యువతి ఫోటోలు తీసిన CISF జవాన్‌ను సస్పెండ్ చేశారు. ఈ జవాన్ CISF ఢిల్లీ మెట్రో విభాగానికి చెందినవాడు. CISF ఉన్నతాధికారులు ఈ చర్య తీసుకున్నారు.

మెట్రో రైలులో ప్రయాణిస్తున్న సమయంలో ఆ జవాన్ ఓ యువతిని రహస్యంగా ఫోటో తీశాడు. యువతి గమనించి ఫోటో డిలీట్ చేయాలని కోరింది. ముందుగా తాను ఫోటో తీయలేదని జవాన్ చెప్పాడు. తర్వాత ఫోటోను డిలీట్ చేశాడు.

ఈ విషయంపై తోటి ప్రయాణికులు జవాన్‌ను ప్రశ్నించడంతో రైలులో వాగ్వాదం జరిగింది. జవాన్ తన service pistol చూపించి బెదిరించినట్టు ఆరోపణలు వచ్చాయి. ఘటనకు సంబంధించిన వీడియో సోషల్ మీడియాలో వైరల్ అయ్యింది.

ఈ ఘటనపై సమగ్ర విచారణకు ఉన్నతాధికారులు ఆదేశించారు. విచారణ ఆధారంగా జవాన్‌ను సస్పెండ్ చేసినట్టు CISF స్పష్టం చేసింది.