నల్సార్ కాన్వకేషన్ ఆహ్వానాన్ని నిరాకరించిన CJI సూర్యకాంత్

CJI సూర్యకాంత్ నల్సార్ కాన్వకేషన్ ఆహ్వానాన్ని తాను అంగీకరించలేదని స్పష్టం చేశారు. జోధ్‌పూర్ నేషనల్ లా యూనివర్సిటీలో మాట్లాడుతూ ఆయన ఈ విషయం చెప్పారు. నల్సార్ కాన్వకేషన్‌కు తాను హాజరయ్యే ప్రశ్నే లేదన్నారు.

సంప్రదాయం ప్రకారం నల్సార్ సంస్థ CJI ని కాన్వకేషన్‌కు ఆహ్వానించింది. అయితే తమ కాన్వకేషన్‌కు CJI ని ఆహ్వానించవద్దని విద్యార్థులు నల్సార్ వీసీకి లేఖ రాశారు. నల్సార్‌లో మొత్తం 1400 మంది విద్యార్థులు ఉండగా, 450 మందికి పైగా CJI హాజరుపై అభ్యంతరం వ్యక్తం చేశారు.

జూలై 20న జరిగిన చలో పార్లమెంట్ కార్యక్రమంలో పోలీసు లాఠీచార్జిపై విచారణకు సంబంధించిన CJI వ్యాఖ్యలకు నిరసనగా విద్యార్థులు ఈ లేఖ రాసినట్లు తెలుస్తోంది.

తర్వాత నల్సార్ విద్యార్థులను ఇతర రాష్ట్రాల్లో ఎన్‌రోల్ చేయవద్దని BCI ఛైర్మన్ అన్ని రాష్ట్రాలకు ఆదేశించారు. దేశవ్యాప్త విమర్శల తర్వాత BCI వెనక్కి తగ్గింది. BCI ఛైర్మన్ మను కుమార్ మిశ్రా విద్యార్థులకు క్షమాపణలు చెప్పారు.

BCI ఛైర్మన్ పదవి నుంచి మను కుమార్ మిశ్రాను తొలగించాలని సంతకాల సేకరణ మొదలైంది. ఇప్పటివరకు 700 మంది లాయర్లు సంతకాలు చేసినట్లు తెలుస్తోంది.