అన్నా హజారే పార్ట్–2 అన్న కాంగ్రెస్ విమర్శలపై CJP కౌంటర్

లడఖ్‌లో సోనమ్ వాంగ్‌చుక్ చేపట్టిన నిరాహార దీక్షపై కాంగ్రెస్ చేసిన విమర్శలపై CJP సంస్థ ఘాటుగా స్పందించింది. 'అన్నా హజారే పార్ట్–2' అంటూ కాంగ్రెస్ నాయకులు వ్యాఖ్యానించిన నేపథ్యంలో, అటువంటి మాటలు సోనమ్ వాంగ్‌చుక్ వ్యక్తిత్వాన్ని ప్రశ్నించడమేనని CJP తెలిపింది. లడఖ్‌ను ఆరో షెడ్యూల్ పరిధిలోకి తీసుకురావాలని, పూర్తి రాష్ట్ర హోదా కావాలని మూడు వారాలకు పైగా నిరాహార దీక్ష చేసిన వాంగ్‌చుక్, తన సత్యాగ్రహాన్ని విరమించే సమయంలో ఎటువంటి చట్టపరమైన కేసులు నమోదు చేయరాదని, నిరసనకారులకు నష్టపరిహారం ఇప్పించాలని ప్రభుత్వంతో చర్చించారని CJP గుర్తుచేసింది. 'ఇంతటి నిబద్ధతతో పోరాటం నడిపిన వ్యక్తిపై ఇలాంటి వ్యాఖ్యలు చేయడం సరికాదు. ఈ సమస్య ఎంత కాలం ఇలాగే కొనసాగుతుందని ప్రధానిని అడగండి' అని CJP ప్రతినిధి నిలదీశారు. పర్యావరణవేత్త, ఇన్నోవేటర్ అయిన సోనమ్ వాంగ్‌చుక్ 'ఐస్ స్తూప' విధానంతో ప్రపంచ ఖ్యాతిని పొందారు. లడఖ్ ప్రజల ఆత్మగౌరవ పోరాటానికి నాయకత్వం వహిస్తున్నారు. దేశ రాజధాని ఢిల్లీలో ఆయన చేపట్టిన నిరాహార దీక్ష పలు వర్గాల మద్దతు పొందింది.