చంద్రబాబు కుప్పం పర్యటన: ఇండక్షన్ స్టవ్, సోలార్, కిచెన్ గార్డెన్ ప్రాజెక్టుల సమీక్ష

CM Chandrababu Naidu కుప్పం పర్యటనలో భాగంగా రెండవ రోజు ఇండక్షన్ స్టవ్, సోలార్ విద్యుత్ ప్రాజెక్టులు, కిచెన్ గార్డెన్ మోడల్‌పై ప్రదర్శనలు చూశారు. ఆయన స్థానిక నిపుణులతో మాట్లాడి, ప్రాజెక్టుల అమలు తీరుపై సూచనలు చేశారు.

ఇండక్షన్ స్టవ్ ప్రదర్శనలో ఒక నిపుణుడు గత రెండు నెలల నుంచి ఇండక్షన్ స్టవ్ ఉపయోగిస్తున్నానని, అన్ని రకాల వంటలు చేయొచ్చని తెలిపారు. LPG, PNG, బయో గ్యాస్‌తో పొదుపు, కర్బన ఉద్గారాల తేడాలపై తమకు అధ్యయనం ఉందని చెప్పారు. సీఎం మాట్లాడుతూ, వంటలో టెంపరేచర్, రెసిపీల పట్ల అవగాహన ముఖ్యమని సూచించారు. సోలార్ వ్యవస్థపై మాట్లాడిన ఒక ప్రతినిధి, 4 ప్యానెల్స్, 2 kW ఇన్వర్టర్, గ్రాస్ మీటరింగ్ విధానం ద్వారా 300 యూనిట్ల వరకు వినియోగించి మిగులు కరెంట్‌ను గ్రిడ్‌కు ఎగుమతి చేయొచ్చని వివరించారు. ఈ ప్రాజెక్టులో మరింత అవకాశాలు ఇవ్వాలని కోరారు.

కిచెన్ గార్డెన్ ప్రాజెక్టుపై బెంగళూరు సంస్థ బయోటెక్ మాలి ప్రతినిధి ప్రదర్శన ఇచ్చారు. తడి చెత్తను తొలగించి కూరగాయలు పండించే విధానం, 100 చదరపు అడుగుల్లో ఒకరికి, 400-500 చదరపు అడుగుల్లో నలుగురి కుటుంబానికి సరిపడే కూరగాయలు పండించొచ్చని తెలిపారు. సబ్‌స్క్రిప్షన్ మోడల్ ద్వారా స్థానికులకు ఉపాధి కల్పించే ప్రణాళికను వివరించారు. సీఎం స్పందిస్తూ, గ్రామీణ ప్రాంతాల కంటే పట్టణ ప్రాంతాల్లో ముందుగా ఈ ప్రాజెక్టు అమలు చేయాలని సూచించారు.