14 రోజుల రిలే నిరాహార దీక్ష చేపట్టిన సింగరేణి అధికారులు

సింగరేణి కోల్మైన్స్ ఆఫీసర్స్ అసోసియేషన్ 14 రోజుల రిలే నిరాహార దీక్ష ప్రారంభించింది. పెద్దపల్లి జిల్లా గోదావరి ఖని సింగరేణి జీఎం కార్యాలయం ముందు ఈ దీక్ష ప్రారంభమైంది.

జీతాల అప్‌గ్రేడేషన్, పీఆర్పీ, పీఆర్సీ అమలు చేయాలని వారు డిమాండ్ చేశారు. పారదర్శక ప్రమోషన్ పాలసీ, సింగరేణికి రావాల్సిన బకాయిల విడుదల కూడా కోరారు.

మరోవైపు, తెలంగాణ బొగ్గుగని కార్మిక సంఘం అధ్యక్షుడు మిర్యాల రాజారెడ్డి యాజమాన్యాన్ని విమర్శించారు. గత 16 నెలలుగా మెడికల్ బోర్డును నిర్వహించడంలేదని ఆరోపించారు. గుర్తింపు సంఘం ఈ సమస్యలపై ప్రశ్నించడంలేదని, ఏఐటీయూసీని కార్మికులు నిలదీస్తారని ఆయన అన్నారు.