చైనాలో నౌల్ తుఫాన్ బీభత్సం: రెడ్ అలర్ట్, 3 లక్షల మంది తరలింపు

చైనాలో నౌల్ తుఫాన్ భారీ విధ్వంసం సృష్టించింది. దక్షిణ చైనాలోని గ్వాంగ్‌డాంగ్ ప్రావిన్స్‌లో భారీ వర్షాలు, గాలులు వీచాయి. చైనా వాతావరణ కేంద్రం రెడ్ అలర్ట్ ప్రకటించింది.

తుఫాన్ కారణంగా 3 లక్షలకు పైగా ప్రజలను సురక్షిత ప్రాంతాలకు తరలించారు. పలు ప్రాంతాల్లో చెట్లు కూలిపోయాయి. రవాణాకు తీవ్ర అంతరాయం ఏర్పడింది. 410కి పైగా విమానాలు, 150 హై స్పీడ్ రైలు సర్వీసులను అధికారులు రద్దు చేశారు. హాంగ్‌కాంగ్‌లో కూడా తుఫాన్ ప్రభావం కనిపించింది.

తుఫాన్ గంటకు 145 కిలోమీటర్ల గరిష్ట వేగంతో వాయువ్య దిశగా కదులుతోంది. గ్వాంగ్‌డాంగ్ తీరాన్ని తాకిన తర్వాత బలహీనపడే అవకాశం ఉందని వాతావరణ శాఖ తెలిపింది. బీజింగ్ సహా పలు నగరాల్లో 28 అత్యవసర సహాయ శిబిరాలు ఏర్పాటు చేశారు.