ఖైరతాబాద్‌లో బూత్ లెవెల్ ఏజెంట్లకు ఎమ్మెల్యే దానం నాగేందర్ శిక్షణ

హైదరాబాద్‌లోని ఖైరతాబాద్ నియోజకవర్గంలో ఎమ్మెల్యే దానం నాగేందర్ బూత్ లెవెల్ ఏజెంట్ల (BLA) కోసం ప్రత్యేక శిక్షణా శిబిరాన్ని నిర్వహించారు. సోమాజీగూడా డివిజన్లో జరిగిన ఈ కార్యక్రమంలో ఆయన పాల్గొని, ఓటరు నమోదు మరియు సవరణ ప్రక్రియలపై BLA లకు దిశానిర్దేశం చేశారు.

ఈ సందర్భంగా ఆయన మాట్లాడుతూ, 2002 నాటి ఓటర్ల వివరాలను ప్రామాణికంగా తీసుకొని బూత్ వారీగా మ్యాపింగ్ చేస్తున్నామని, తప్పులేని స్పెల్లింగ్‌లతో ఫామ్‌-6 ఫారాలు భర్తీ చేయాలని కార్యకర్తలకు సూచించారు. 17 సంవత్సరాలు దాటిన వారు ఓటరుగా నమోదు చేసుకునే అవకాశం ఉందని ఆయన తెలిపారు.

అనంతరం కేంద్రంలో అధికార పార్టీకి ఎన్నికల కమిషన్ అనుకూలంగా వ్యవహరిస్తోందని, దీనివల్ల సాధారణ ఓటర్లు ఇబ్బందులు ఎదుర్కొంటున్నారని ఎమ్మెల్యే ఆరోపించారు. అయితే రాష్ట్రంలో కొనసాగుతున్న వివిధ సవాళ్లపై మాట్లాడేందుకు నిరాకరించిన ఆయన, అక్కడి నుంచి వెళ్లిపోయారు.