సోషల్ మీడియా ప్రమోషన్లతో ఏడాదికి రూ.50-70 కోట్లు సంపాదిస్తున్న దీపిక: నివేదికలు

బాలీవుడ్ నటి దీపికా పదుకొనే సోషల్ మీడియాలో బ్రాండ్ ప్రమోషన్ల ద్వారా గణనీయమైన ఆదాయం పొందుతున్నారని నివేదికలు పేర్కొంటున్నాయి. ఆమె ఒక్కో బ్రాండ్ ప్రమోషన్‌కు 1.5 నుండి 2 కోట్ల రూపాయల వరకు వసూలు చేస్తున్నట్లు తెలిసింది.

ఇన్‌స్టాగ్రామ్‌తో పాటు X (ట్విట్టర్)లో కూడా ప్రమోట్ చేసే ప్యాకేజీపై ఈ మొత్తం మూడు రెట్లు వరకు ఉండొచ్చని సమాచారం. నెలకు 2-3 బ్రాండ్ పోస్టుల ద్వారా సుమారు 4 నుండి 6 కోట్లు, ఏడాదికి 50-70 కోట్ల వరకు ఆమె సంపాదిస్తున్నట్లు ఆ నివేదికలు వివరించాయి.

సినిమాల పరంగా అల్లు అర్జున్ సరసన ‘డ్రాకా’ చిత్రానికి రెమ్యునరేషన్‌గా 20 కోట్లు తీసుకుంటున్నట్లు టాక్ వినిపిస్తోంది. నటనతో పాటు వ్యాపారవేత్తగానూ రాణించే దీపిక తన సొంత కంపెనీని నడుపుతూ, ‘క్రియేట్ విత్ మీ’ కార్యక్రమం ద్వారా కొత్త నైపుణ్యాలను ప్రోత్సహిస్తున్నారు.