ఢిల్లీ హైకోర్టు ఇళయరాజాకు స్టే కొనసాగింపు; 134 సినిమాల పాటలపై వివాదం

ప్రముఖ సంగీత దర్శకుడు ఇళయరాజాకు ఢిల్లీ హైకోర్టు మరోసారి నిరాశ కలిగించింది. సరిగమా కంపెనీ దగ్గర సంగీత హక్కులు ఉన్న 134 సినిమాల పాటలను తాను ఉపయోగించుకోవడాన్ని నిలిపివేస్తూ కోర్టు గతేడాది విధించిన స్టే ఆదేశాలను కొనసాగించింది.

1976 నుంచి 2001 మధ్య ఇళయరాజా సంగీతం అందించిన చిత్రాల హక్కులు సరిగమా సంస్థకు చెందినవి. తాజా వివాదం 'అగత్య' అనే తమిళ సినిమాలో 'ఎన్ ఇనియా పొన్నిలావే' పాటతో మొదలైంది. ఈ పాటను యువన్ శంకర్ రాజా రీక్రియేట్ చేసి, ఇళయరాజాకు క్రెడిట్ ఇచ్చారు. అయితే, పాటల వినియోగంపై ఇళయరాజా అభ్యంతరాలు వ్యక్తం చేస్తూ కోర్టుకెక్కాడు.

సరిగమా కూడా తమ హక్కులను సాధించేందుకు కోర్టుకు వెళ్ళింది. ఫిబ్రవరి 13న కోర్టు స్టే విధించింది. తాజాగా ఈ స్టే కొనసాగించింది.